Walang eme! ‘Charot’ at ‘omsim,’ mga bagong Tagalog words na natutunan ni Kim Soo Hyun mula sa Pinoy fans

Aliw na aliw ang Korean heartthrob na si Kim Soo Hyun sa mga updated na Tagalog words na itinuro sa kanya ng mga Pinoy fans.
Found this article interesting? Help others discover it too!

Wagi ang mga Pinoy fans ni Kim Soo Hyun sa katatapos lamang nitong “Eyes on You” fan meeting sa Araneta Coliseum. Kung ang ibang banyagang nagpupunta sa Pilipinas, sapat na ang “Mabuhay!” at “mahal ko Kayo,” ang “Queen of Tears” actor bumanat ng “charot” at “eme.”

Tulad ng ibang mga fan meeting, tinanong ng host si Kim Soo Hyun kung ano-ano ang mga Tagalog words na natutunan nito habang siya ay bumisita sa Pilipinas.

Dito sya tinuruan ng mga fans ng mga salitang “charot” at “eme lang” with matching expression habang ipinapaliwanag dito ang ibig sabihin ng dalawang salita.

Sinubukan ding hamunin ang kakayahan ni Kim Soo Hyun sa Tagalog nang tanungin dito kung ano ang ibig sabihin ng “omsim,” na binaligtad na salitang mismo.

Aliw naman si Kim Soo Hyun sa kanyang mga bagong baong Tagalog words at sana maituro niya ito sa kanyang “Queen of Tears” leading lady na si Kim Ji Won na darating naman sa Pilipinas sa Agosto.

Nagparinig din si Kim Soo Hyun na babalik siya sa Pilipinas bago matapos ang taon. Magkasama kaya sila? Eme lang mga SooWon shippers, pero malay niyo!