Nanguna ang graduates ng Polytechnic University of the Philippines (PUP) sa mga listahan na pinipili ng mga kumpanya upang i-hire.
Ito ay base sa pinakahuling survey na ginawa ng online job portal na JobStreet na kung saan angat ang PUP sa iba pang kolehiyo at unibersidad sa pagiging top choice ng mga employers.
Napanatili rin ng nasabing unibersidad na matatagpuan sa Santa Mesa, Manila ang pagiging number one sa listahan ng mga employers sa loob ng dalawang taon.
“The survey revealed that PUP secured the top spot as the school “where most employers source their candidates” with a significant 23 percent, followed by the University of the Philippines at 9 percent, and De La Salle University at 7 percent,” ayon sa isang ulat sa Business Mirror.
