Ang kantang “Raining in Manila” at ang paminsan-minsang pag-baha sa Bulacan ang mga naging inspirasyon ng “Tampisaw Walk” ni Miss Universe Philippines 2024 Chelsea Manalo.
Ni-reveal niya ito sa kanyang grand homecoming kamakailan sa De La Salle Araneta University sa Malabon City, kung saan sumampol din siya ng kanyang pasarela sa harap ng mga mag-aaral at mga guro na excited sa kanyang pagbisita.
(Miss Universe Philippines/FB)
Ayon kay Chelsea, dahil sa “Raining in Manila” ng OPM band na Lola Amour, pumasok sa isip niya ang kanyang signature walk.
“Yung walk ko sa swimsuit it was a last-minute idea. It had to come through somewhere na maaalala ng tao,” ayon Chelsea sa ulat ng GMA News Online. “And somewhat very related to Bulacan na we have a little bit of a flood there,” dagdag pa niya.
“So, tampisaw cause when she’s walking she’s just as if playing in a little bit of water. That’s what I want to call my walk, ‘Tampisaw Walk,’” paliwanag ng Miss Universe candidate.
