No more stress! Pera padala mula US, one click na lang with GCash

Mga Pinoy sa US maaari nang gumamit ng GCash app para magpadala ng pera sa Pilipinas.

Mas pinadali ng GCash ang pagpapadala ng pera ng mga Pinoy sa US para sa kanilang mga mahal sa buhay sa Pilipinas matapos itong makipag-partner sa isang instant payments provider kamakailan.

Dahil sa partnership ng GCash at Merdian, maaari nang mag cash-in at remit ng pera mula sa 12,000 American banks, kagaya ng Bank of America, Chase, at Wells Fargo, gamit ang GCash app.

Iko-convert naman ng Gcash ang US dollars sa Philippine peso gamit ang competitive exchange rates o ang rate na nalalapit sa market rate. Nasa US$1 naman ang charge kada transaksyon, ayon sa ulat ng Philippine Star.