Nilamon na ng sistema! Amang na-convert na sa maging maka-pusa, nagpa-aliw sa madlang pipol

Iba talaga ang charisma ng mga pusa kahit pa sila ay gala. Kahit ang hindi mga superfan ng mga furry friends na ito ay mabilis naco-convert dahil sa kakaibang aliw na dulot nila sa kanilang humans.

Kaya naman marami ang naka-relate sa post ng Reels ni Inday Mikmik nang ilarawan niya ang before and after na posisyon ng kanyang ama na hindi naman talaga mahilig sa pusa dati.

Katunayan, ani ng OP, ang bilin pa sa kanya ng ama ay huwag siyang mamulot at mag-uwi ng pusa sa kanilang tahanan.

Fast forward sa kasalukuyan, at makikitang isinasayaw-sayaw pa ng kanyang ama ang kanilang alagang puspin na kasa-kasama nito sa kanilang sari-sari store.

“galit galitan nung una, ngayon mas mahal pa pagkain na binibili nyan sa pusa kesa sa ulam naming” “ganyan din si papa” “Asawa ko dati ayaw nya tanggapin mehmeh namin,ayaw nya ng pusa,lagi ako inaaway bakit ko daw tinanggap,pero ngayon feeling ko mas mahal pa nya pusa namin kesa saakin,lagi may pasalubong ang pusa,ako wala,”