Netizen, napa-‘Thank you, Lord!’ nang maispatan ang ‘Ibong Adarna’ ng Berbanya sa Antique!

Nag-viral ang isang video ng isang netizen na tuwang-tuwa nang ma-ispatan niya ang isang ibon na mala-Ibong Adarna ang itsura sa Semirara Island sa Antique.

“Ibong Adarna na nababasa ko lang sa libro, ngayon nakita ko sa personal na. Salamat po Lord!” ang caption ni Noynoy Filaro sa kanyang video na pinost sa Facebook.

Ang “Ibong Adarna” ay isang korido na nakasentro sa isang mahiwagang ibon na nagtataglay ng kakayahang umawit ng magagandang himig na nakakapagpagaling ng anumang sakit. Matatagpuan ang ibon na ito sa kaharian ng Berbanya.

Ang sinasabing “Ibong Adarna” sa video ni Noynoy na nakita niya sa aviary ng Semirara Biodiversity Conservation Center ay isang golden pheasant (Chrysolophus pictus) na karaniwang matatagpuan sa mga kagubatan ng Central at Western China. Pero para sa mga local birders, ang Ibong Adarna ay isang Philippine Trogon, isa sa mga pinakamakulay at mailap na ibon sa Pilipinas. Inulan naman ng netizens ng samu’t saring komento ang video ni Noynoy: “Buti hindi ka kinantahan, katulog at nataihan. Kasi mahogong bato ka.” “Sarimanok po yan” “Grabi halos lahat ng color nsa kanya na” “Parang manok lang po kuya pero muka rin pong ibon Adarna” “Ingat ka lods baka mataehan ka nyan sus maging bato ka,,yung masaklap baka e repack kapa”