Lumabas ang dugong Pinoy ni Miss Universe 2022 R’Bonney Gabriel nang mag-shopping ito sa Divisoria dahil nasubukan niya ang kanyang talento sa pagtatawad sa mga paninda.
Sa ganda ni Gabriel, malamang hindi talaga ito matatanggihan ng mga tindera o tindero sa Divisoria kung saan namili siya ng mga fabric.
“Practiced my tawad, battled the heat, and fought the urge to buy all the fabrics in Divisoria,” ayon kay Gabriel sa kanyang caption sa Instagram.
Nag-enjoy din si Gabriel, na isa ring fashion designer, sa pag-shopping sa Divisoria at inamin niya na hindi niya first time pumunta sa nasabing lugar.
“I actually used to come here a lot when I was a kid visiting the Philippines,” sabi niya sa ulat ng GMA News Online.
“I always remember coming to buy Juicy Couture purses and different clothing,” dagdag pa niya.
Nasa bansa ang first Filipino-American Miss Universe para mag-host sa Miss Universe Philippines coronation night sa Mayo.
