Ready ka na bang manood ng libreng sine? Inanunsyo na ng Japan Foundation Manila ang magiging schedule ng taunang Japanese Film Festival para sa 2025 at ang good news ay pwedeng manood sa iba’t ibang bahagi ng Pilipinas.
Mula January 30 hanggang February 9, mapapanood sa Shangri La Plaza Red Carpet Cinema ang JFF, at tatawid naman ito sa SM Baguio mula February 7 hanggang 16.
Pa-Visayas naman ito sa SM City Iloilo at SM Seaside City Cebu at SM City Iloilo mula Feb. 14 hanggang 23 at ang kanyang last stop sa Mindanao ay sa SM City Davao mula February 21 hanggang March 2. Kasabay din nito ang pagbabalik Maynila nito sa SM City North EDSA sa parehong date.
Pasok sa mga kaabang-abang na line up para sa taong ito ang “Godzilla Minus One” (2023), “Perfect Days” (2023), “Akira” (1988), “Haikyu!! The Dumpster Battle” (2024), “Sand Land” (2023), “DitO” (2024), “Let’s Go Karaoke!” (2024), “Our Secret Diary” (2023), “The Imaginary” (2023), “Matched” (2024), “Monster” (2023), at “Under The Open Sky” (2021).
