Level up na mga vloggers! TESDA bumuo ng content creation course

TESDA may alok na kursong Content Creation (Social Media) Level III para sa mga Pinoy na gustong maging vlogger o social media content creator.

Usong-uso ngayon ang pagiging content creator at hindi rin maipagkakaila na malaki ang kinikita sa pag-vlog.

Kaya hinihimok ng Technical Education and Skills Development Authority (TESDA) ang mga training centers na mag-alok ng kursong Content Creation (Social Media) Level III para mabigyan ang mga interesado dito ng tamang skills sa pag-produce ng sarili nilang digital content at magkaroon ng dagdag kita kahit nasa bahay lang.

Nakabuo na aniya ang TESDA ng “competency standards” para sa content creation, na siyang magiging basehan ng mga institusyon o training centers para sa kanilang training programs, ulat ng Philippine Daily Inquirer.

“Virtual networks and communities have enabled us to connect with our audience, build brand awareness, and strengthen engagement. However, the effectiveness of our efforts relies heavily on the quality and relevance of the content we share. In light of this, our content creators must be well-equipped with the skills and knowledge necessary to produce compelling and engaging content,” ani TESDA Secretary Suharto Mangudadatu.

Dagdag pa niya, mas kailangan ang nasabing training dahil na rin sa dumaraming bilang na pumapasok sa ganitong klase ng trabaho, “especially on how they develop and convey their messages, and on the quality of materials they upload across various social media platforms.”

Nadevelop ang standards para sa content creation course ng TESDA sa tulong ng Kapisanan ng Social Media Broadcasters ng Pilipinas, Inc.

Ayon sa current industry estimates, ang isang content creator na maraming followers ay pwedeng kumita ng Php100,000 hanggang Php150,000 sa isang social media post lamang.