Kahit walang snow sa Pilipinas ay hindi magpapahuli ang Pilipinas na nagpadala ng tatlong pambato sa Winter Youth Olympic Games na gaganapin mula Enero 19 hanggang Pebrero 1 sa Gangwon, South Korea.
Ang Switzerland-based Filipina skier na si Laetaz Amihan Rabe, Peter Groseclose, at Avery Balbanida ang magsisilbing panlaban ng bansa sa Winter Youth Olympic Games.
Sasabak sa freestyle skiing ang 14-anyos na si Rabe na siya ring flag bearer ng bansa, ayun sa Philippine Olympic Committee (POC).
Sa ulat Rappler, si Rabe ang tanging atletang sasabak sa pagbubukas ng seremonya.
Samantala, ang 16-anyos na Groseclose ay sasali sa 1,500-meter short track speed skating sa January 20. Si 16-anyos na si Balbanida naman ay sasabak sa cross-country skiing.
