Hindi sinasadyang nagkaroon ng fairy walk trend sa Siquijor dahil kay Anne Curtis kung saan hawak lamang ang isang handle na nakakabit sa puno ay pwedeng umikot sa isang sapa at magtampisaw na tulad ng isang diwata.
Ang problema nga lang, kahit na mistulang napakadali nito nang si Anne ang gumawa ay napakahirap pala nitong magawa ng mga ordinaryong nilalang. Kaya’t imbes na fantasy ang genre ng trend na ito ay nagmistulang horror reel ito para sa mga Pinoy.
Kaya naman ngayon, napakaraming netizens ang nag-u-upload ng kanilang mga palpak na attempts bilang mga mortal at hindi diwata na tulad ng “It’s Showtime” host.
Merong nagmistulang Tarzan ang peg
May mga kabogera din na pang RuPaul level ang awrahan.
Merong level buwis-buhay
At meron din namang tanggap na ang katotohanan na si Anne Curtis lang ang nag-iisang Diyosa.
Mukhang enjoy naman ang mga Pinoy sa bagong trend na ito kaya’t may bago silang gagawin pag sila ay magawi sa Siquijor.
