Go gurl! LA-based Pinay fashion designer, tampok sa bagong reality design series na “Dress My Tour” na mapapanood sa Hulu

Lalahok ang Pinay fashion designer na si Veejay Floresca sa pinakabagong reality show na "Dress My Tour" na mapapanood sa Hulu.

Inanunsyo ng Pinay fashion designer na si Veejay Floresca ang kanyang paglahok sa pinakabagong reality series na “Dress My Tour,” na mapapanood sa Hulu.

“Get ready for some fierce fashion moments as contestants battle to style the ultimate tour wardrobe. Don’t miss out on the glam and drama, coming soon to Hulu!” sinulat ni Floresca sa kanyang social media post.

Naging tanyag si Veejay para sa mga bridal dress na dito sa Maynila at sa Los Angeles kung saan siya’y kasalukuyang nanunuluyan. Ito na ang pangalawang pagsabak ni Veejay sa reality show, matapos ang matagumpay na paglahok sa unang season ng Project Runway Philippines noong 2008. Pangungunahan ang “Dress My Tour” ng host na si Kate Upton at tampok rito ang mga gawa ni Veejay at 10 pang ibang designers na magtutunggali sa mga challenge. Isa lang ang tatanghaling winner ng kumpetisyon, kung saan mag-uuwi ang mananalo ng US$100,000 na premyo.