Borongan, namamayagpag bilang “smart city” dahil sa apps na gawa ng isang DOST iskolar at mga estudyante

Mga apps na dinevelop ng isang DOST scholar at mga kasamahang estudyante, nakatulong sa pag-abante ng Borongan bilang isang smart city.

Umaarangkada ngayon ang Borongan City sa Easter Visayas bilang isang “smart city” dahil sa mga applications na dinevelop ng isang iskolar ng Department of Science and Technology (DOST) scholar at mga kasamahan nito na computer engineering students mula sa Eastern Samar State University (ESSU). 

Dahil sa mga nadevelop na apps ni Shane Francis Javier, mas napabilis ang paghatid ng government services sa tao at napaganda rin ang pagpapatupad ng libreng sakay na programa ng lungsod gamit ang “Libreng Sakay” system na computer applications (QR)-cards generated. Inilunsad ang program noong Marso.

Nagawa ang app na ito sa tulong ng mga kasamahan ni Javier na sina Tristan Ehron Tumbaga, Rommel Alidon, at Armand Ralph Anacta, ayon sa ulat ng Philippine Information Agency.

Dahil sa kanilang app na ini-install sa mga mobile phone ng mga pasahero, natatrack na ang mga lokasyon ng mga bus pati ang arrival time nito sa isang lokasyon.

“Students are one of the primary beneficiaries of the Libre Sakay program. Aside from lessening their transportation expenses, the app can help them get real-time data to track the buses,” sabi ni Javier.

“Imagine the scenario before, where you were late for class because you kept on waiting for public transport, just because you didn’t know when one would pass by your location. Now, with the Libre Sakay system, the students can get real-time information about the availability and arrival of buses,” dagdag pa niya.

Bukod sa Libreng Sakay, bumuo rin sila ng Legislative Tracking System, isang centralized legislative information system, para mas maging efficient at transparent ang public engagement sa legislative process.

Pinuri naman ni DOST Undersecretary Sancho Mabborang ang kahusayan ni Javier at ang kanyang team.

Hinakayat din sila ni Mabborang na magpatuloy sa pag-explore at gumawa ng marami pang innovative approaches dahil susuportahan ito ng DOST.