Bangsamoro Airways, lilipad na sa Mindanao!

Bagong airline sa BARMM, magko-connect sa mainland, mga island provinces nito, at iba pang parte ng Mindanao.

Mas mapapabilis na ngayon ang byahe sa Bangsamoro Autonomous Region in Muslim Mindanao (BARMM) dahil magkakaroon na ng flight sa Zamboanga papuntang Sulu simula ngayong Miyerkules, Abril 24, sa pamamagitan ng bagong airline, Bangsamoro Airways.

Pinamamahalaan ng Maguindanao del Norte-based Federal Airways Inc., ang nasabing airline ay lilipad din sa ruta na nagkokonekta sa mga syudad ng Cotabato, Zamboanga at Sulu province. Kaya nitong magsakay ng anim hanggang 10 pasahero kasama na ang piloto at airline staff nito.

Ayon sa official Bangsamoro Airways Facebook page, layon ng Federal Airways Inc. na ma-connect ang mainland BARMM sa mga island provinces nito.

“[This is] to make the provision of significant services accessible, strengthen bureaucracy and logistics and bolster the region’s economy, tourism, and employment,” ayon sa pamunuan ng BARMM.

Sa ulat ng Philippine Star, sinabi ni Bangsamoro Transportation and Communications Minister Paisalin Pangandaman Tago na magandang balita ito lalo na sa mga business communities sa BARMM.

“We are happy that the business communities in the Bangsamoro region and their contacts in other regions and abroad are glad that a new airline shall operate in BARMM provinces,” sabi niya.